Дүүргийн Засаг даргын 450 тоот захирамжаар Засаг даргын орлогч Ц.Төрхүүгээр ахлуулсан ажлын хэсэг 29 дүгээр хорооны нутаг дэвсгэрт үйл ажиллагаа явуулдаг “Драгон” автовокзалд хяналт шалгалт явуулж эхэллээ. Дүүргийн ЗДТГ-ын Худалдаа үйлчилгээний хэлтэс, Цагдаагийн 2 дугаар хэлтэс, Онцгой байдлын хэлтсийн хэлтсийн ажилтнуудаас бүрдсэн тус ажлын хэсэг Драгон автовакзолын эргэн тойронд үйлдэгдэж байгаа хулгай дээрэм, гэмт хэрэг, гар дээрх бэлэн хоол, хүнсний худалдаа, чихэр жимс, тамхи, ан амьтны гаралтай мах махан бүтээгдэхүүний ил болон далд хэлбэрийн наймааг илрүүлэн таслан зогсоох зорилгоор 2013 оны 11 дүгээр сарын 18-наас 2013 оны 12 дугаар сарын 31-ний өдрийг хүртэл хяналт шалгалт хийж байна.
Нийслэлийн Засаг дарга “Гэр хорооллын хоёрдугаар ээлжийн дахин төлөвлөлтийн тухай” А/1044 тоот Захирамж гаргалаа. Захирамжийн дагуу Гэр хорооллын дахин төлөвлөлт хийхээр батлагдсан 2-р ээлжийн 8 байршлын нэгж талбарт хамрагдсан газар өмчлөгч, эзэмшигч, ашиглагч иргэд, аж ахуйн нэгжийн судалгааг 2013 оны 12 дугаар сарын 05-ны дотор гаргахыг нийслэлийн Өмчийн харилцааны газар, Гэр хорооллын орон сууцжуулах төсөл ОНӨҮГ-т үүрэг болголоо. Мөн тухайн байршилд газар эзэмших, ашиглах эрх, шилжүүлэх үйл ажиллагааг хэсэгчилсэн ерөнхий төлөвлөгөөний зураг төслийг боловсруулан батлуулах хүртэлх хугацаанд түр зогсоохыг нийслэлийн Өмчийн харилцааны газарт даалгажээ.
Гэр хорооллын дахин төлөвлөлт хийхээр батлагдсан 2-р ээлжийн 8 байршлын хэсэгчилсэн ерөнхий төлөвлөгөөний зураг төслийг боловсруулан батлуулах хүртэлх хугацаанд Хот байгуулалтын тухай хуулийн 24.2-т заасны дагуу хот байгуулалтын бусад үйл ажиллагааг түр зогсоохыг нийслэлийн Ерөнхий Төлөвлөгөөний газарт үүрэг болголоо. Нийслэлийн ИТХ-ын 9 сарын 26-ны ээлжит хуралдааны 12/43 тоот тогтоолоор Гэр хорооллын дахин төлөвлөлтийн 2-р ээлжийн байршлыг тогтоосон юм. Тогтоолын дагуу дараахи 8 байршилд нэмж төсөл хэрэгжүүлнэ.
1. Сонгинохайрхан дүүргийн 28-р хорооны нутаг дэвсгэр дэх хэсэгчилсэн ерөнхий төлөвлөгөө 3,8 га
- 228 хүн амтай, нийт 57 нэгж талбарыг хамарна. 1 давхар амины орон сууцнууд барихаар төлөвлөж байгаа бөгөөд төлөвлөлтөөр 107 өрх байхаар төлөвлөжээ.
2. Баянзүрх дүүргийн 2 –р хорооны нутаг дэвсгэр дэх “Дарь эх” амины орон сууцны хорооллын хэсэгчилсэн ерөнхий төлөвлөгөө 12 га
- 580 хүн амтай, нийт 145 нэгж талбарыг хамарна. Тус амины орон сууцны хороололд ерөнхий төлөвлөгөөгөөр 700 орчим айл өрх байхаар төлөвлөжээ.
3. Баянзүрх дүүргийн 4-р хорооны нутаг дэвсгэр дэх “Сансар сөх” орчмын хэсэгчилсэн ерөнхий төлөвлөгөө 3,9 га
- 1400 хүн амтай, 2 орцтой 5 давхар орон сууцны барилга 13 ширхэг, 90 хүүхдийн цэцэрлэг, 100 хүүхдийн бага сургууль, оффис аж ахуй үйлчилгээний барилга байгууламж төлөвлөжээ.
4. Баянзүрх дүүргийн 2,4-р хорооны нутаг дэвсгэр дэх “Мамба дацан” орчмын хэсэгчилсэн ерөнхий төлөвлөгөө 70 га
- 8460 хүн амтай, 2 давхар амины орон сууц 65 ширхэг, 5 давхар нийтийн орон сууц 51 ширхэг, 9 давхар нийтийн орон сууц 4 ширхэг, 19 давхар үйлчилгээтэй орон сууц 5 ширхэг, Засаг захиргааны нэгдсэн контор 1, Ерөнхий боловсролын 3 сургууль, 2 цэцэрлэг, олон нийтийн үйлчилгээний 13 барилга, их, дээд сургууль 3, 10,2 км автозам барихаар төлөвлөжээ.
5. Сүхбаатар дүүргийн 17 дугаар хорооны нутаг дэвсгэр дэх “Дамбадаржайлин хийд” орчмын хэсэгчилсэн ерөнхий төлөвлөгөө 7,6 га
- 356 хүн амтай, 22,4 км цэвэр усны шугам,300м3ус шахах хүчин чадалтай насос станц, 58, 35, 102-р сургууль, 109, 103-р цэцэрлэг, өрхийн эмнэлэг, гал команд усны шугамд холбогдсон байхаар төлөвлөжээ.
6. Баянгол дүүргийн 10,11-р хорооны нутаг дэвсгэр дэх “Бичил 7” орон сууцны хорооллын хэсэгчилсэн ерөнхий төлөвлөгөө 93 га
- 5640 хүн амтай, 2 орцтой 5 давхар орон сууцны 13 барилга, 90 хүүхдийн цэцэрлэг, 100 хүүхдийн бага сургууль, оффис, аж ахуйн үйлчилгээний барилга байгууламж байхаар төлөвлөжээ.
7. Хан-уул дүүргийн 4-р хорооны нутаг дэвсгэр дэх хэсэгчилсэн ерөнхий төлөвлөгөө 16,5 га
- 520 хүн амтай, нийт 130 нэгж талбарыг хамарна. 12 давхар орон сууцны барилга 16 ширхэг, 12 давхар үйлчилгээний орон сууц 3 ширхэг, 1-3 давхар худалдаа үйлчилгээний барилга 4 ширхэг, амины орон сууц 108 ширхэг, 640 сурагчтай 1 сургууль, 230 хүүхдийн 1 цэцэрлэг байхаар төлөвлөжээ.
8. Багануур дүүргийн 1,5-р хорооны нутаг дэвсгэр дэх хэсэгчилсэн ерөнхий төлөвлөгөө 78,7 га
- 4200 хүн амтай, нийт 270 нэгж талбар хамарна. Төлөвлөлтөөр хүн ам нь 6052 хүрнэ. Орон сууцны 60, гэр сууц 1180, худалдаа үйлчилгээний 2 барилга байхаар төлөвлөжээ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.
Сонгинохайрхан дүүргийн Хүүхэд гэр бүлийн хөгжлийн төв нь 2013 онд байгуулагдсан. Нийгмийн эрсдэл бүхий эмзэг бүлгийн хүүхэд, гэр бүлд нийгмийн үйлчилгээг үзүүлж тэдгээрийг эрсдлээс урьдчилан сэргийлэх, чадавхжуулах, хамгаалах үйлчилгээ үзүүлэхэд гол зорилго нь оршино.
Сонгинохайрхан дүүрэг нь 260 гаруй мянган хүн ам, 32 хороотой нийт өрхийн 70 гаруй хувь нь гэр хороололд амьдардаг нийслэлийн томоохон дүүргүүдийн нэг юм. Сонгинохайрхан дүүргийн Иргэдийн Төлөөлөгчдийн Хурлын дарга Х.Нямбаатарын санаачилгаар япон улсын “BE FORWARD” ХХК-тай харилцаа холбоо тогтоон Сонгинохайрхан дүүргийн Хүүхэд гэр бүлийн хөгжлийн төвд хүүхэд хамгаалал, гэр бүлд чиглэсэн үйлчилгээ үзүүлэхэд нь зориулж “TOYOTA ALPHARD” маркийн автомашин бэлэглэх болсон.
Тус ажиллагааны хүрээнд Сонгинохайрхан дүүргийн Иргэдийн Төлөөлөгчдийн хурал, Засаг даргын тамгын газар, Биеийн тамир спортын хороо, Хүүхэд гэр бүлийн хөгжлийн төв, Япон улсын “BE FORWARD” ХХК-тай хамтран хөлбөмбөгийн аварга шалгаруулах тэмцээнийг зохион байгуулж медалийн төлөө шалгаран үлдсэн 12 багийн тоглолтуудыг 2013 оны 11 сарын 30-ны өдөр зохион явуулж аваргаа тодрууллаа. Тэмцээний зорилго нь хамтын ажиллагааг өргөжүүлэх, эв нэгдэлийг бэхжүүлэх, тэдний ур чадварыг дээшлүүлэх, спортоор хичээллэхийн ач тусыг таниулах, чөлөөт цагаа зөв боловсон өнгөрүүлэх, сонирхогч дэмжигчдийн хүрээг нэмэгдүүлэх, найз нөхдийн холбоо тогтооход оршино. Тэмцээний нээлтийн ажиллагаанд Сонгинохайрхан дүүргийн Иргэдийн Төлөөлөгчдийн Хурлын дарга Х.Нямбаатар, Засаг даргын Тамгын газрын дарга С.Мөнхчулуун, Хүүхэд гэр бүлийн хөгжлийн төвийн дарга Д.Дэлгэрбулаг, Биеийн тамир спортын хорооны дарга Ц.Ганхүү, “BE FORWARD” ХХК-ны худалдааны төлөөлөгч М.Жаргалсайхан нар оролцож Хүүхэд гэр бүлийн хөгжлийн төвд TOYOTA ALPHARD автомашиныг албан ёсоор гардуулан өглөө.
Сонгинохайрхан дүүрэг нь Бүгд Найрамдах Солонгос Улсын хэд хэдэн дүүрэгтэй харилцаа хамтын ажиллагаатай ажилладагийн нэг нь Тэжон хотын Со дүүрэг юм. Өнгөрсөн 5 дугаар сард хоёр дүүрэг хамтын ажиллагааныхаа эхлэлийг тавьсан бөгөөд энэ 10 дугаар сард Со дүүргийн Иргэдийн Төлөөлөгчдийн Хурлын дарга тэргүүтэй төлөөлөгчид Сонгинохайрхан дүүрэгт айлчлан ирж хамтын ажиллагааны санамж бичигт гарын үсэг зурсан юм.
Энэхүү хамтын ажиллагааны хүрээнд Сонгинохайрхан дүүргийн Иргэдийн төлөөлөгчдийн хурлын дарга Х.Нямбаатар, Засаг дарга М.Чинболд тэргүүтэй дүүргийн Засаг даргын Тамгын газрын болон дэргэдэх хэлтэс байгууллагуудын удирдлагуудыг багтаасан төлөөлөгчид 11 дүгээр сарын 19-22-ны өдрүүдэд Тэжон хотын Со дүүрэгт ажлын айлчлал хийлээ. Со дүүргийн Иргэдийн Төлөөлөгчдийн Хурал, Засаг даргын урилгаар хийсэн энэ айлчлал нь тус дүүргийн ИТХ-ын үйл ажиллагаатай танилцах, чуулганы нээлтэд оролцох, нутгийн захиргааны байгууллагуудын үйл ажиллагаатай танилцаж туршлага солилцох үндсэн зорилготой байлаа.
Тэжон хот нь БНСУ-ын төв хэсэгт байрладаг. Шинжлэх ухаан, боловсролын салбарт өндөр ач холбогдол өгөн хөгжүүлж, Азийн “Цахиурт хөндий” (Silicon Valley) хэмээн алдаршин буй хот. Энд шинжлэх ухааны судалгааны дэлхийн хэмжээний томоохон төвүүд, үндэсний хэмжээний 18 их сургууль үйл ажиллагаагаа явуулдаг бөгөөд 7000 гаруй эрдэмтэн судлаачид судалгаа шинжилгээ хийж, маш олон төсөл хөтөлбөрүүд хэрэгжиж байдаг юм.
Мөн 1980-аад онд төвлөрлийг саармагжуулах үүднээс тус хотод Солонгосын төр захиргааны олон байгууллага шилжин ирсэн бөгөөд одоо Солонгосын Худалдан авах ажиллагааны газар, Үндэсний статистикийн газар, Оюуны өмчийн газар зэрэг 20 орчим Засгийн газрын байгууллага тус хотод байрладаг. Өнөөдөр Улаанбаатар хотыг дахин төлөвлөж байгаа, хотын захиргааны шинэ цогцолбор Сонгинохайрхан дүүрэгт шилжин ирэх болсон энэ үед Тэжон хотын Со дүүрэгтэй хамтран ажиллаж тэдний туршлага, технологиос суралцах нь манай дүүргийн хувьд өндөр ач холбогдолтой юм.
Манай төлөөлөгчид Со дүүргийн Тамгын газар, эмнэлэг, цагдаа, шуурхай удирдлагын төв, нэг цэгийн үйлчилгээний төв зэрэг байгууллагуудтай танилцаж өндөр хөгжилтэй орны үйлчилгээний, нутгийн захиргааны байгууллагуудын үйл ажиллагааг газар дээр нь бодитоор харлаа. Хэрэгжүүлж болох олон санаа авч мөн цаашид чиглэл чиглэлээр хамтран ажиллах талаар ярилцан тохирсон юм.
Со дүүргийн ИТХ нь байнгын үйл ажиллагаатай. Энэ сарын 20-ны өдөр Со дүүргийн ИТХ-ын чуулган эхэлсэн бөгөөд манай төлөөлөгчид нээлтэд оролцож, чуулганы нэг өдрийн хуралдаанд суусан юм. Жилийн эцсийн тайлангаа хэлэлцэж, ирэх жилийн төсөв, үйл ажиллагааны хөтөлбөр зэргийг баталдаг энэ чуулган 34 хоног хуралдах юм.
Ийнхүү Сонгинохайрхан дүүргийн төлөөлөгчид Тэжон хотын Со /солонгосоор баруун гэсэн үг/ дүүрэгт зочилж хоёр дүүргийнхээ хамтын ажиллагааг бэхжүүлэн, хийж бүтээх олон шинэ санаа, зорилт өвөрлөн ирлээ.
Сонгинохайрхан дүүргийн Иргэдийн Төлөөлөгчдийн Хурал, Ханс Зайделийн сангийн “Эрх зүйн боловсрол” академитай хамтран 2013.11.28-ны өдөр дүүргийн “Иргэний танхим”-д сургалт зохион байгууллаа.Тус сургалтад дүүргийн Иргэдийн Төлөөлөгчдийн Хурлын Төлөөлөгчид, Ажлын албаны ажилтнууд, Засаг даргын Тамгын газрын зарим хэлтэс, албаны дарга, ажилтнууд оролцсон бөгөөд Монголын Нутгийн Удирдлагын Холбооны дэд тэргүүн Г.Маналжав “Иргэдийн Төлөөлөгчдийн Хурал, тулгамдсан зарим асуудал” сэдвээр, Төрийн албаны институтын ажилтан Б.Нямсүрэн “Төрийн албан хаагчийн ёс зүй, сонирхлын зөрчил” сэдвээр тус тус хичээл заалаа.
Сонгинохайрхан дүүргийн Засаг даргын тамгын газрын Санхүү, төрийн сангийн хэлтсээс “Бүртгэл, санхүү, эдийн засгийн ажилтны өдөр”-ийг тохиолдуулан нийт төсөвт байгууллагын санхүүгийн ажилтнуудын дунд 3 төрөлт тэмцээнийг Ирээдүй цогцолбор сургуулийн спорт зааланд зохион байгууллаа.
Тэмцээнд нийт 8 багийн 120 гаруй санхүүгийн ажилтан, албан хаагч оролцсоноос гар бөмбөгийн төрөлд нэгдүгээр байранд “Баянхошуу” бүсийн баг, хоёрдугаар байранд “Өнөр” цэцэрлэг, гуравдугаар байранд Төвийн бүсийн баг тус тус шалгарсан бол сагсан бөмбөгийн тэмцээнд Санхүү, төрийн сангийн хэлтсийн “Төрийн сан” баг тэргүүн байр, “Төвийн бүс” баг дэд байр, “Өнөр ирээдүй” баг гуравдугаар байранд орлоо. Ширээний теннисийн тэмцээнд нэгдүгээр байранд “Төвийн бүс” багийн тамирчин Б.Байгалмаа, удаах байранд “Баянхошуу бүс” багийн тамирчин Б.Сарантуяа, “Өнөр ирээдүй” багийн тамирчин Б.Цэцэгээ нар шалгарсан байна. Багын дүнгээр “Төвийн бүс” баг тэргүүн байрыг эзэлж шилжин явах цомын эзэн боллоо.
Хүн амын хөгжил, нийгмийн хамгааллын яам, нийгмийн халамж үйлчилгээний ерөнхий газартай хамтран явуулж буй өрхийн амжиргааг тодорхойлох судалгаа өчигдөр буюу 11 дүгээр сарын 25-ны өдөр Сонгинохайрхан дүүрэгт эхэллээ. Судалгааны ажилд бүх хорооны халамжийн болон хөгжлийн нийгмийн ажилтнууд багийн ахлагчаар ажиллах бөгөөд нийт 428 тоологч айл өрхүүдээр явж судалгааг авах юм. Ирэх сарын 9-ний өдрийг хүртэл үргэлжлэх тус судалгаанд оролцохдоо иргэний цахим үнэмлэх, цэргийн үүрэгтний үнэмлэх, эрүүл мэндийн даатгалын дэвтэр, төрсний гэрчилгээ зэрэг бичиг баримтыг бэлэн байлгах хэрэгтэйг зохион байгуулагч нар анхаарууллаа.
Сонгинохайрхан дүүргийн өрхийн амжиргааны түвшинг тодорхойлох ажлын хүрээнд 2013 оны 11 дүгээр сарын 25-наас 12 дугаар сарын 05-ны өдрийг хүртэл "Орлогыг орлуулан тооцох аргачлалаар өрхийн амжиргааны түвшинг тогтоох судлагааны ажил эхэллээ.
Сонгинохайрхан дүүргийн Засаг даргын 2013 оны 10 дугаар сарын 31 ний өдрийн 436 тоот захирамжаар Сонгинохайрхан дүүргийн Eрөнхий боловсролын сургуулийн 9,11 дүгээр ангийн сурагчдын дунд “Мэргэжлээ хэрхэн яаж зөв сонгох вэ,зөв сонгосон мэргэжил чиний насан туршийн зөв сонголт” 2 сарын аян зохион байгуулахаар болж байна.
Аяны хүрээнд СХД-ийн сургуулиудын бүх нийгмийн ажилтнуудтай хамтран ажиллаад байна. Ирээдүй цогцолборын 1,2 дугаар ахлах сургуулиудын 9,11 дүгээр ангийн хүүхдүүдэд “Мэргэжил бүхэн сайхан” сургалтыг зохион байгуулж 250 гаруй хүүхдүүд эхний сургалтанд хамрагдаад байна.
Сургалтыг дүүргийн Хүүхэд гэр бүлийн хөгжлийн төвийн ахлах мэргэжилтэн Р.Отгонбаяр, мэргэжилтэн Б.Мөнхцэцэг, Хөдөлмөрийн хэлтсийн Ажил мэргэжлийн чиг баримжаа олгох зөвлөгөө мэдээллийн мэргэжилтэн Г.Хосбаяр нар зохион байгуулж байна.
Мэргэжлийн чиг баримжаа олгох сургалтанд