Нийслэлийн Удирдлагын зөвлөлийн 2013 оны 10 дугаар сарын 10-ны ээлжит хуралдаанаар Төв цэвэрлэх байгууламжийн хөрөнгө оруулалтын саналын тухай хэлэлцсэн юм. Нийслэлийн Засаг даргын А/662 дугаар захирамжаар Улаанбаатар хотын ерөнхий төлөвлөгөөний дагуу шинэ цэвэрлэх байгууламж барих төслийг хэрэгжүүлэх бэлтгэл ажлыг зохион байгуулж, 2013 онд багтаан дуусгахыг нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэд даалгажээ.  Анх 1964 онд хоногт 45 000м³ бохир усыг механик цэвэрлэгээгээр 50 хувь хүртэл цэвэршүүлэх байгууламж ашиглалтад орсноос хойш 1977, 1979, 1986 онуудад л өргөтгөл, шинэчлэлийн ажил хийжээ.

Гэвч жил ирэх бүр ачаалал нь нэмэгдэж, өнөөдрийн байдлаар хоногт дунджаар 160 000м³ бохир усанд механик болон биологийн цэвэрлэгээ хийж, Туул голд нийлүүлж байна. Техник, технологи нь хоцрогдож, бетон хийцүүд нь муудсанаас тус байгууламжийн цэвэрлэсэн усны чанар байгальд нийлүүлэх усны стандартын шаардлагыг хангахгүй байгаа юм.Тиймээс шинээр цэвэрлэх байгууламж барих зайлшгүй шаардлагатай болжээ. Цэвэрлэх байгууламж шинээр барих болон техникийн шинэчлэл хийх санал Чех, Солонгос, Франц, Хятад  зэрэг орнуудаас ирсэн байна. Харин Японы “ЖАЙКА” олон улсын байгууллага өндөр түвшний цэвэрлэгээ хийдэг цэвэрлэх байгууламжийг барьж, засвар үйлчилгээ нь хялбар бөгөөд өөрсдөө автоматаар ажиллах боломжтой сүүлийн үеийн шинэ систем нэвтрүүлэх санал ирүүлжээ. Японы Засгийн газрын буцалтгүй тусламжаар “ЖАЙКА” олон улсын байгууллага нь Улаанбаатар хотын ус хангамж ариутгах татуургын салбарын стратеги төлөвлөгөөний судалгааг хийсэн байна. Судалгаанд тусгагдсан саналуудаас цэвэрлэх байгууламжийн асуудлыг илүү анхаарч, ач холбогдол өгөн ажиллаж байгаа юм.  Монгол Улсын Ерөнхий сайд Япон улсад айлчлах үеэрээ Японтой хамтран цэвэрлэх байгууламж барихаар талууд дунд хугацааны зорилтот хөтөлбөрт тусган гарын үсэг зуржээ.  Тиймээс Монгол, Японы стратегийн түншлэлийн дунд хугацааны хөтөлбөрийн дагуу Төв цэвэрлэх байгууамжийг засаж сайжруулах, шинээр барьж байгуулах ажлыг “ЖАЙКА”-тай хамтран хэрэгжүүлэх юм.  Шинэ цэвэрлэх байгууламжийн барилгын ажлыг  2015 оны 3 дугаар улирлаас эхлүүлнэ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

Нийслэлийн Удирдлагын зөвлөлийн 2013 оны 10 дугаар сарын 10-ны ээлжит хуралдаанаар Төв цэвэрлэх байгууламжийн хөрөнгө оруулалтын саналын тухай хэлэлцсэн юм. Нийслэлийн Засаг даргын А/662 дугаар захирамжаар Улаанбаатар хотын ерөнхий төлөвлөгөөний дагуу шинэ цэвэрлэх байгууламж барих төслийг хэрэгжүүлэх бэлтгэл ажлыг зохион байгуулж, 2013 онд багтаан дуусгахыг нийслэлийн Засаг даргын Экологи, ногоон хөгжлийн асуудал хариуцсан орлогч Т.Бат-Эрдэнэд даалгажээ.  Анх 1964 онд хоногт 45 000м³ бохир усыг механик цэвэрлэгээгээр 50 хувь хүртэл цэвэршүүлэх байгууламж ашиглалтад орсноос хойш 1977, 1979, 1986 онуудад л өргөтгөл, шинэчлэлийн ажил хийжээ.

Гэвч жил ирэх бүр ачаалал нь нэмэгдэж, өнөөдрийн байдлаар хоногт дунджаар 160 000м³ бохир усанд механик болон биологийн цэвэрлэгээ хийж, Туул голд нийлүүлж байна. Техник, технологи нь хоцрогдож, бетон хийцүүд нь муудсанаас тус байгууламжийн цэвэрлэсэн усны чанар байгальд нийлүүлэх усны стандартын шаардлагыг хангахгүй байгаа юм.Тиймээс шинээр цэвэрлэх байгууламж барих зайлшгүй шаардлагатай болжээ. Цэвэрлэх байгууламж шинээр барих болон техникийн шинэчлэл хийх санал Чех, Солонгос, Франц, Хятад  зэрэг орнуудаас ирсэн байна. Харин Японы “ЖАЙКА” олон улсын байгууллага өндөр түвшний цэвэрлэгээ хийдэг цэвэрлэх байгууламжийг барьж, засвар үйлчилгээ нь хялбар бөгөөд өөрсдөө автоматаар ажиллах боломжтой сүүлийн үеийн шинэ систем нэвтрүүлэх санал ирүүлжээ. Японы Засгийн газрын буцалтгүй тусламжаар “ЖАЙКА” олон улсын байгууллага нь Улаанбаатар хотын ус хангамж ариутгах татуургын салбарын стратеги төлөвлөгөөний судалгааг хийсэн байна. Судалгаанд тусгагдсан саналуудаас цэвэрлэх байгууламжийн асуудлыг илүү анхаарч, ач холбогдол өгөн ажиллаж байгаа юм.  Монгол Улсын Ерөнхий сайд Япон улсад айлчлах үеэрээ Японтой хамтран цэвэрлэх байгууламж барихаар талууд дунд хугацааны зорилтот хөтөлбөрт тусган гарын үсэг зуржээ.  Тиймээс Монгол, Японы стратегийн түншлэлийн дунд хугацааны хөтөлбөрийн дагуу Төв цэвэрлэх байгууамжийг засаж сайжруулах, шинээр барьж байгуулах ажлыг “ЖАЙКА”-тай хамтран хэрэгжүүлэх юм.  Шинэ цэвэрлэх байгууламжийн барилгын ажлыг  2015 оны 3 дугаар улирлаас эхлүүлнэ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ.

“Саппоро”-ийн тойргийг гэрлэн дохиотой уулзвар болгон өөрчилсөнтэй холбогдуулан нийтийн зорчигч тээврийн М31, М31/б/, М36, М44, М46 туслах шугамын ТШ8, ТШ19, ТШ22, ТШ25, ТШ39, ТШ41, ТШ44 чиглэлүүд нь хуучин тойрог байхад зориулагдсан төлөвлөлтөөр хөдөлгөөнд оролцож байсан. Цаашид хуучин төлөвлөлтийн дагуу замын хөдөлгөөнд оролцох нь замын хөдөлгөөний аюулгүй байдалд нөлөөлж болзошгүй байна. Тиймээсиргэд зорчигчдын аюулгүй зорчих эрхийг хангах, хөдөлгөөний аюулгүй байдал, ачааллыг бууруулах зорилгоор дээрх чиглэлүүдэд өөрчлөлт орлоо. Нийслэлийн Тээврийн газрын даргын А/92 тушаалаар дээрхи чиглэлийн нийтийн тээврийн хэрэгслүүд нь цаашид Саппорогийн зогсоол дээр зогсолгүй уулзвараас зүүн гар тийш эргэн 3-р эмнэлэгийн баруун талын зогсоол дээр зогсож зорчигчдод үйлчлэх юмгэж Нийслэлийн Тээврийн газраас мэдээллээ.

Монгол Улсын Ерөнхийлөгчийн санаачлагаар жил бүрийн 4, 10 дугаар сарын нэг өдрийг  “Үндэсний мод тарих өдөр” болгосон. Энэ удаагийн намрын мод тарих өдөр өнгрсөн Бямба гаригт буюу 10 дугаар сарын 12-ны өдөр боллоо. Өнгөрсөн хавар Сонгинохайрхан дүүргийн хэмжээнд 15700 мод, бут, сөөг тарьсан бол энэ удаагийн мод тарилтаар дүүргийн хэмжээнд 9452 модыг  дүүргийн бүх сургууль цэцэрлэгүүд болон бусад төлөвлөгдсөн газруудад суулгасан юм.

Мөн дүүргийн Иргэдийн  Төлөөлөчдийн   Хурлын  нэрэмжит  чацарганы төгөл     байгуулахаар   26  цэцэрлэгт   тус  бүр  100  ширхэг   нийт  2600   гаруй  суулгац    өгч  тарьлаа. Түүнчлэн энэхүү өдрийн хүрээнд  иргэн бүр  нэг  мод,  байгууллага  аж  ахуй  нэгж 5 ширхэг  мод  10 ширхэг  бут  сөөг  тарих  хөдөлгөөн  өрнүүлэн  ажиллаж  байна.

Тус үйл ажиллагаанд ИТХ-ын дарга Х.Нямбаатар, Засаг дарга М.Чинболд, дүүргийн Тамгын газрын болон хэлтэс албадын дарга нар, ИТХ-ын төлөөлөгчид тэргүүтэй хүмүүс ирж орлцсон юм.

Жил болгон уламжлал болгон зохиогддог Монгол Улсын Хөдөлмөрийн баатар, Төрийн шагналт ардын жүжигчин Д.Лувсаншаравын нэрэмжит “Хүүхдийн найрал дууны шилдэг хамтлаг” шалгаруулах анхан  шатны шалгаруулалт  Сонгинохайрхан дүүргийн ерөнхий боловсролын сургуулиудын дунд  Дүүргийн засаг даргын  2013 оны 09 дүгээр сарын  20–ны өдрийн № 300 дугаар захирамжаар  2013 оны  10 сарын 09 –ний өдөр Ирээдүй цогцолбор 83,  12, 76 дугаар сургуулиуд  дээр тус тус болж нийт 11 сургуулиас 1-р байр “Ирээдүй” цогцолбор,  2-р байр 9-р сургууль 3-р байр 62-р сургууль, Тусгай байрт  65 дугаар суруулиуд тус тус эзэлж Дүүргийн Засаг даргын “Өргөмжлөл” мөнгөн шагналаар шагнагдлаа.

Шилдэг удирдагч багшаар  9 дүгээр сургуулийн хөгжмийн багш Б.Сарантуяа  шилдэг найруулгаар 65  дугаар сургуулийн багш Д.Бямбадорж нар дүүргийн Засаг даргын өргөмжлөл, мөнгөн  шагнууллаа.

Тус өдөрлөгийг дүүргийн Засаг даргын Тамгын газар, Хөдөлмөрийн хэлтэс хамтран өнөөдөр зохион байгуулсан. Өдөрлөгт Зээлийн батлан даалтын сан, Капитал банк, ажил олгогч байгууллагууд, 25-р хорооны “Эрүүл орчин” бүлэг, Замын хөдөлгөөний аюулгүй байдлын туслах ажилтан бүлэг, “Үлэмжийн чанар” сургалтын төв, Жижиг дунд үйлдвэрийг дэмжих төв, дүүргийн ажил идэвхтэй хайж байгаа иргэд, 40-өөс дээш насны ажилгүй иргэд, хувиараа хөдөлмөр эрхлэгч, жижиг дунд үйлдвэр эрхлэгчид оролцлоо. Мөн есөн  аж ахуйн нэгж байгууллагын хүний нөөцийн ажилтан оролцож,  сул чөлөөтэй ажлын байрны зуучлалын үйлчилгээг явуулж, ажил мэргэжлийн чиг баримжаа олгох зөвлөгөө мэдээлэл өгөв.

Энэ үеэр ажилгүй, ажил идэвхтэй хайгч 100 иргэнийг бүртгэж, 75 иргэнийг ажилд зуучлан 30 гаруй иргэнд ажил мэргэжлийн чиг баримжаа олгох мэдээлэл өгсөн байна.

Хөтөлбөрийн дагуу дүүргийн 25 дугаар хорооны “Эрүүл орчин” түр ажлын байрны бүлэг хог хаягдлыг ангилан ялгах ажлыг хорооны иргэдэд хэвшүүлэх, мөн хөдөлгөөний аюулгүй байдлын туслах ажилтанг Баянхошууны 67, 76, 105, Толгойтын 42, 65, Орбитын 123, 106 дугаар сургуулийн орчны авто замын гарцанд ажиллуулах үзүүлэх сургалт явагдаж, “Үлэмжийн чанар” сургалтын төвийн суралцагчид монгол дээлний товч шилбэ зангидаж үзүүлэв.

Өдөрлөгийн туршид 40-өөс дээш болон ахмад настны хөдөлмөр эрхлэлтийг дэмжих хөтөлбөрийн зорилтот бүлгийн 51 иргэдэд сургалт зөвлөгөөн хийж 21 гишүүнтэй “Бүтээлч бүлэг”, багш нарын “Зөв иргэдийг төлөвшүүлэе” бүлэг байгуулагдаж хамтран ажиллаж байна. Мөн Хөдөлмөрийн хэлтсийн мэргэжилтнүүд иргэдэд мэдээлэл зөвлөгөө өгч, хөдөлмөрийн хуулийг сурталчилсан байна.

Япон улсын буцалтгүй тусламжаар хэрэгжсэн “Монгол улсын бага боловсролын барилга байгууламжийг сайжруулах төсөл”-өөр 22 дугаар хорооны нутаг Тахилтын аманд баригдсан 122 дугаар сургуулийн нээлт өнөөдөр боллоо. Дүүргээс алслагдсан хорооны хүүхдүүдийн сурах орчныг бүрдүүлсэн тус сургуулийн нээлтэд Япон улсаас Монгол улсад суугаа Онц бөгөөд Бүрэн эрхт Элчин сайд Такэнори Шимизү, БШУЯ-ны барилга захиалагчийн албаны дарга О.Мөнхбаяр, Засаг дарга М.Чинболд, ИТХ-ын ажлын албаны дарга М.Зундуйдаваа, дүүргийн Засаг даргын орлогч Н.Ганаа болон бусад албаны төлөөлөгч оролцов.

ЖАЙКА-гаас хэрэгжүүлсэн төслөөр баригдсан 640 хүүхдийн багтаамж бүхий энэхүү сургуулийг 4 тэрбум төгрөгийн өртөгөөр барьжээ. Гэр хорооллын тэлэлт улам бүр нэмэгдэж байгаа энэ үед хүүхдүүд гэртээ ойр сургуультай болсонд баяртай байгаагаа 122 дугаар сургуулийн захирал А.Цэцэгсүрэн хэлж байлаа.

Тус сургууль нь Япон улсын буцалтгүй тусламжаар барьж манай улсад бэлэглэсэн 54 дэх сургууль нь юм.

Нийслэлийн өдөр буюу нийслэл хот үүсэн байгуулагдсаны 374 жилийн ойг угтаж зэвсэгт хүчний анги нэгтгэлүүдэд хүндэт туг гардуулж байгаа билээ. Үүний хүрээнд Сонгинохайрхан дүүргийн нутаг дэвсгэрт үйл ажиллагаа явуулдаг Зэвсэгт хүчний 013 дугаар ангид нийслэлийн хүндэт туг гардуулах ёслолын ажиллагаа боллоо. Ёслолд нийслэлийн Засаг даргын орлогч Н.Гантөмөр, дүүргийн Засаг даргын орлогч Б.Батдорж, дүүргийн Цэргийн штабын дарга, хурандаа А.Баттулга болон тус ангийн удирдлага оролцож ангийн нийт бие бүрэлдэхүүн жагсч хүндэтгэл үзүүлэн нийслэл хотынхоо тугийг хүлээн авлаа.

Энэ үеэр нийслэлийн Засаг даргын орлогч Н.Гантөмөр Улаанбаатар хотод хийгдэж байгаа бүтээн байгуулалттай холбоотой мэдээлэл хийж, тус ангийн ажилчдын тарьж ургуулсан хүнсний ногооны үзэсгэлэн худалдааг сонирхов.

СОНГИНОХАЙРХАН ДҮҮРГИЙН ЗАСАГ ДАРГЫН ТАМГЫН ГАЗАР   ХӨДӨЛМӨРИЙН ХЭЛТСЭЭС ЗОХИОН БАЙГУУЛЖ БАЙГАА ХӨДӨЛМӨРИЙН       НЭГДСЭН ЯАРМАГ ӨДӨРЛӨГТ ИРЖ ОРОЛЦОХЫГ УРЬЖ БАЙНА

Сонгинохайрхан дүүргийн ажилгүй, ажил идэвхитэй хайж байгаа иргэдийг хөдөлмөр эрхлэх боломжийг бүрдүүлэх талаар тус өдөрлөгийн хүрээнд:

• Ажлын байрны зуучлал

• Хөдөлмөр эрхлэлтийг  дэмжих  үйлчилгээ, 

• Хөдөлмөрийн зах зээлийн мэдээ, мэдээлэлээр  хангах,

• Зээл авхад зөвөлгөө өгөх , Мэргэжил олгох сургалтууд 

явагдах тул ажил хайж байгаа болон хувиараа хөдөлмөр эрхлэх сонирхолтой иргэдийг өргөнөөр ирж оролцохыг урьж байна.

                          Өдөрлөгт хамтран оролцох байгууллагууд:

           Капитал банк,   Хас Банк                   Зээлийн батлан даалтын сан

           Ажил олгогч байгууллагууд               Сургалтын байгууллагууд

ХЭЗЭЭ: 2013 оны 10 сарын 11-ний өдрийн 10:00-15:00 цаг

ХААНА: Засаг даргын Тамгын газрын байрны урд талбайд

Сонгинохайрхан дүүргийн Засаг даргын Тамгын газар, дэргэдэх хэлтэс албадуудад алба хааж байгаад тэтгэвэртээ гарсан ахмадуудаа  дүүргийн Засаг даргын Тамгын газраас 10 дугаар сарын 4-ний өдөр буюу өнгөрсөн Баасан гаригт хүлээж аван хүдэтгэл үзүүллээ. Засаг даргын Тамгын газар, дэргэдэх хэлтэс албадаас чөлөөнд гарсан 80 орчим ахмад байдгаас 46 ахмад тус хүлээн авалтад хүрэлцэн иржээ.

Ахмадуудыг Засаг даргын Нийгмийн бодлогын асуудал хариуцсан орлогч Н.Ганаа, Тамгын газрын дарга С.Мөнхчулуун, Тамгын газрын хэлтсийн дарга нар хүлээн авч хүндэтгэл үзүүлсэн юм.

Залуу нас, хүч хөдөлмөрөө дүүргийнхээ хөгжилд зориулсан эдгээр ахмадуудаас Засаг даргын Тамгын газрын даргаар ажиллаж байсан Б.Янжив, Аж ахуйн тасгийн анхны дарга Г.Цогжавхлан нар өнөөдөр ажиллаж байгаа залуу үедээ  сайхан дурсамж ярьж  мөн үнэтэй зөвлөгөөг өгсөн юм.

Сонгинохайрхан дүүргийн 21-р хорооны нутаг дэвсгэрт байрлах Сүүн сувилалын газарт энэхүү хүлээн авалт болсон бөгөөд  ахмадууд маань хамт ажиллаж байсан үеэ дурсан ярьж, дуулж хуурдан, бүжиглэж нэгэн өдрийг сайхан өнгөрөөлөө. Жаргалант тосгон дахь дүүргийн Соёлын ордны хамт олон ахмадууддаа зориулж урлагийн тоглолт хийж баяр дээр баяр нэмлээ. Мөн 11 хүнийг  Монголын ахмадын холбооны  хүндэт тэмдгээр шагнасныг гардуулсан юм.

Харьж цуцашгүй гал дөлтэй сэтгэлд түм хүндлэн мэхийюү

Халуун залуу нас, хүчээ төрдөө өргөгсдийг бум хүндлэн өргөюү

Өтгөс ахмадууд, ихэс дээдсийн сургааль дор цагийг засалцюу

Өөрийн Монгол эх орноо өвлөн хамгаалж өргөн залалцюу

Ажил хөдөлмөр, амжилт бүтээлээ эх орондоо зориулсан ахмадууддаа урт насалж удаан жаргахын өлзийтэй ерөөлийг өргөн дэвшүүлье.