Монголын багш нарын баярын 47 дахь өдрийг Сонгинохайрхан дүүргийн ерөнхий боловролын сургууль цэцэрлэгийн 450 гаруй багш тэмдэглэн өнгөрүүллээ. Баярын үйл ажиллагаанд Боловсрол, шинжлэх ухааны яам, Нийслэл дүүргийн удирдлагууд оролцож “Хөдөлмөрийн гавъяаны улаан тугийн одон”, “Алтан гадас” одон,

“Хөдөлмөрийн хүндэт” медаль, Ардын боловсролын тэргүүний ажилтан, БШУЯ-ны “Жуух бичиг” зэрэг шагналыг 195 багшид гардуулжээ. Дүүргийн Боловсролын хэлтсээс тус баярын өдрийг угтан цахим хичээлийн уралдаан, “Багшийн алдар” тэмцээн, ахмад багш нартаа хүндэтгэл үзүүлэх зэрэг найман бүтээлч ажил зохион байгуулсан.

Дүүргийн Засаг дарга М.Чинболд Нийслэлийн Засаг дарга бөгөөд Улаанбаатар хотын Захирагч Э.Бат-Үүлтэй үр дүнгийн гэрээг байгууллаа. Тус гэрээ байгуулснаар санхүү, төсвийн сахилга хариуцлага нэмэгдэж, төрийн байгууллагын үйл ажиллагаа иргэдэд ил тод, нээлттэй байх боломж бүрдэж байгаа юм.

Энэ үеэр Нийслэлийн Засаг дарга бөгөөд Улаанбаатар хотын Захирагч Э.Бат-Үүл нийслэлийнхээ сайн сайхан, бүтээн байгуулалтын төлөө, аюулгүй тав тухтай орчинд амьдрахын төлөө төлсөн иргэдийн татварыг зөв зохистой зарцуулж, хойч үедээ хот шиг хот хүлээлгэн өгөхийн төлөө нэгэн сэтгэлээр хамтдаа зүтгэхийг уриалж, ажлын амжилт хүслээ.

Хэвлэл мэдээлэл олон нийттэй харилцах алба

Төсөл шалгаруулалтын нэр:

"ГОЛ НЭРИЙН БАРАА, БҮТЭЭГДЭХҮҮНИЙ ҮНИЙГ ТОГТВОРЖУУЛАХ ТӨСӨЛ"

Төсөл шалгаруулалтын дугаар : ТШ13-ДХХ-01

Үйлдвэр, хөдөө аж ахуйн яам нь "Улаанбаатар хот орчимд Хүнсний бүтээгдэхүүний зоорь, агуулах, төрөлжсөн бөөний болон жижиглэн худалдааны төв, мах, мах-сүүний чиглэлийн үхрийн, махны чиглэлийн хонь,гахай, тахианы цогцолбор аж ахуйг шинээр байгуулах, өргөжүүлэх" төсөл сонгон шалгаруулалтыг зарлаж байна.

Төсөл сонгон шалгаруулалтанд оролцох аж ахуйн нэгж , байгууллага нь төслийн баримт бичгээр хүсэлтээ гаргаж эргэн төлөгдөхгүй нөхцөлтэйгээр 250000 хоёр зуун тавин мянган төгрөгөөр худалдан авна.

Төслийн баримт бичгийн төлбөр тушаасан аж ахуйн нэгж төсөл шалгаруулалтанд оролцох эрхтэй.

Төслийн баримт бичгийг битүүмжилж 2013 оны 03 дугаар сарын 06-ны өдрийн 14.00 цагаас өмнө Үйлдвэр, хөдөө аж ахуйн яамны 303 тоот өрөөнд бүртгүүлэн хүлээлгэн өгнө.

Сонирхсон этгээд төслийн баримт бичиг болон бусад мэдээллийг дор дурдсан хаягаар авч болно.

ХАЯГ: Үйлдвэр, хөдөө аж ахуйн яам, Засгийн газрын 9дүгээр байр, 3 дугаар давхар , 303 тоот өрөө, Энхтайваны өргөн чөлөө 16а, Улаанбаатар -13381, Монгол Улс. Утас: 263247

Улаанбаатар хотыг дахин төлөвлөж, нийслэл хотынхоо төвд байрлаж байгаа төрийн захиргааны байгууллагуудыг дахин төлөвлөлт хийгдэх нутаг дэвсгэр лүү нүүлгэхээр яригдаж байгаа юм. Үүнтэй холбоотойгоор УИХ-ын дарга З.Энхболд өнөөдөр Ханын материал болон Баянхошууны нутаг дэвсгэртэй танилцлаа.

      Хотын захиргааг нүүлгэн шилжүүлэхэд тохиромжтой 6 газрыг судлан үзээд өртөг зардал бага гарах, хот байгуулалт талаасаа болоод дэд бүтцийн асуудлыг шийдвэрлэхэд хамгийн тохиромжтой газар нь ханы материалын эцэст байрлах хуучин үйлдвэрийн газар юм. Гэсэн ч хотын захиргааг нүүлгэх эцсийн шийдвэр гараагүй байгаа юм.

      Төр захиргааны байгууллагуудыг нүүлгэн шилжүүлэх нь хотын шинэ төвүүдийг бий болгоход ихээхэн чухал үүрэгтэй. Тэр дундаа Сонгинохайрхан дүүрэг нь нийслэл хотын хамгийн их хүн амтай дүүрэг учраас дүүргийн хөгжлийг дэмжихэд чухал ач холбогдолтой гэж үзэж байгаа юм байна.

      Мөн Сэлбэ төвийг хотын төвтэй, Баянхошуу төвыг хотын төвтэй холбосон өдөрт 15,000 хүн тээвэрлэх хүчин чадалтай тээврийн хэрэгсэл явах 2 төмөр замыг барих талаар төлөвлөж байгаа гэнэ.

Сонгинохайрхан дүүргийн удирдах ажилтны  шуурхай хуралдаан энэ сарын 29-ний өдрийн 11.00 цагт Засаг даргын тамгын газрын хурлын танхимд боллоо. Хуралдаан 75 хувийн ирцтэй явагдаж өмнөх хурлаас өгөгдсөн үүрэг даалгавар хангалттай биелэгдсэнийг Тамгын газрын дарга С.Мөнхчулуун хэлэв.

Энэ удаагийн хуралдаанаар удахгүй болох сар шинийн баяртай холбогдолтой олон асуудал хэлэлцлээ. Сар шинээр нийслэлийн удирдлагууд болон хэрэгжүүлэгч агентлаг, харьяа газрын дарга нар дүүргийн өндөр настнуудын гэрээр очиж хүндлэл үзүүлэх ажлыг зохион байгуулахыг Засаг даргын тамгын газарт үүрэг болгосон. Баярын өдрүүдээр гал түймэр болон гэмт хэрэг, осол зөрчил гарах, халдварт өвчнөөс урьдчилан сэргийлэх, хүнсний аюулгүй байдлыг ханган ажиллахыг холбогдох мэргэжлийн байгууллагуудад үүрэг болгов. Мөн хариуцлагатай эргүүл, жижүүр гаргах юм байна.

Удахгүй тохиох Монголын багш нарын баярын 47 дахь өдрийг тэмдэглэхэд багш нарыг өргөн хүрээтэйгээр хамруулан оролцуулахыг Боловсролын хэлтсийн дарга О.Одонтунгалагтуулд үүрэг болголоо.

Дараа нь дүүргийн нутаг дэвсгэр дэх хороодын Иргэд, нийтийн хурлын сонгуулийн талаарх мэдээллийг Захиргаа, хуулийн хэлтсийн дарга Т.Зулбилэг танилцуулав. Сонгууль амжилттай явагдаж нийт 32 хорооны Засаг даргаас 16 нь улиран сонгогдож, 14 нь шинээр сонгогдсон бол хоёр нь түр орлон гүйцэтгэгчээр ажиллаж байна.

Өнгөрсөн амралтын өдрөөр буюу энэ сарын 25, 26 нд дүүргийн хэмжээнд хийсэн их цэвэрлэгээгээр 605 тонн хог цэвэрлэж, 176,600 шоо дөрвөлжин газрын мөсөн гадаргууг арилгасан тухай Дэд бүтэц, тохижилтын хэлтийн дарга Г.Баатархүү хэллээ. Үүний дараа Цэргийн штабын дарга, А.Баттулга цэргийн шинэчилсэн бүртгэлийн талаар мэдээлэл хийсэн юм.

Сар шинийн өмнө 2 дугаар сарын 1, 2-ны өдрүүдэд нийслэлийн хэмжээнд их цэвэрлэгээг дахин зохион байгуулах тул үүнд идэвхтэй оролцохыг сануулснаар энэ удаагийн шуурхай хуралдаан өндөрлөв. 

Дүүргийн өсвөрийн аварга шалгаруулах “Спорт наадам 2012-2013” тэмцээнийг Биеийн тамир, спортын хороо амжилттай зохион байгууллаа. Таван өдөр үргэлжилсэн тус арга хэмжээнд даам, ширээний теннис, аэробик, тэшүүрийн тэмцээн багтжээ. 

“Зуун буудалт даам”-ын тэмцээн XII сургуулийн урлагийн танхимд болж, гурван насны ангиллаар нийт 72 тамирчин оролцон оюун ухаанаа уралдуулснаас О.Энхтүвшин дасгалжуулагчтай 42-р сургуулийн баг нэгдүгээр байр, А.Дэмбэрэл дасгалжуулагчтай 104-р сургууль удаах байр, С.Эрдэнэбилэг дасгалжуулагчтай 62-р сургууль гуравдугаар байр эзэлж медаль, мөнгөн шагнал гардлаа.

Өсвөрийн ширээний теннисний аварга шалгаруулах тэмцээн Ирээдүй цогцолборын II дунд сургуулийн спорт зааланд явагджээ. Нийт арван сургуулийн 80 гаруй тамирчин хурд хүч, авхаалж самбаагаа сорьсноос багийн дүнгээр Отгонцагаан дасгалжуулагчтай 12-р сургууль түрүү байр, Наранцэцэг дасгалжуулагчтай 65-р сургууль дэд байр, Б.Мөнхбаяр дасгалжуулагчтай 9-р сургуулийн тамирчид гуравдугаар байр эзлэв.

Энэ үеэр насанд хүрэгчдийн Аэробикийн  аварга шалгаруулах тэмцээн болж 13 байгууллагын 14 баг өрсөлдсөнөөс Ирээдүй цогцолбор нэгдүгээр байр, 12-р сургууль хоёрдугаар байр, 104-р сургууль гуравдугаар байрыг эзлэн цом, өргөмжлөл, мөнгөн шагналын эзэд боллоо.

Манай дүүргийн аварга шалгаруулах олон төрөлт тэмцээн тэшүүрийн тэмцээнээр өндөрлөсөн юм. МТХ-ын мөсөн гулгуурын талбайд болсон тус тэмцээнд арван багийн өсвөрийн 90 гаруй тамирчин оролцлоо. Байгууллагын дүнгээр Г.Жигжидсүрэн захиралтай 9-р сургууль тэргүүн байр, Ч.Хишигмаа захиралтай 65-р сургууль дэд байр, Д.Наранцацрал захиралтай 12-р сургууль удаах байрыг эзлэсэн амжилт гаргалаа. 

Сар шинээр настан буурлуудаа өргөн хүндэлдэг монгол уламжлал ёсоор төр засаг, албан байгууллагууд ахмад настнуудаа хүлээн  авдаг жишиг нэгэнт тогтсон билээ. Нийслэлийн Сонгинохайрхан дүүргийн удирдлагууд Засаг даргын тамгын газар болон дүүрэгтээ ажиллаж байгаад өндөр насны тэтгэвэрт гарсан ахмадуудаа өчигдөр буюу пүрэв гаригт хүлээн авч хүндэтгэл үзүүллээ.

Ахмад үеэ хүндлэн өргөх нь монголын ёс, мөн залуучууд бидний уламжлан залгаж, өвлүүлэн үлдээх эрхэм үүрэг гэж би хувьдаа ойлгодог. Аав ээж,  ахмад буурлуудаа үл ойшоогч нэгний амьдрал алсуураа өөдөлдөггүй юм шиг санагддаг юм гэж Засаг дарга М.Чинболд хэлсэн үгэндээ онцлоод сар шинэдээ сайхан шинэлэхийн ерөөл өргөж хүндэтгэл үзүүллээ.

Мөн ЗДТГ-ын даргаар ажиллаж байсан П.Самдан, 1-р хорооны Засаг даргаар ажиллаж байсан Д.Польхүү нар ахмадуудаа төлөөлөн талархал илэрхийлж, дүүргийн шинэ удирдлагын багт ажлын амжилт хүссэн юм.

Энэ дашрамд Сонгинохайрхан дүүргийн ЗДТГ-аас дүүргийнхээ болон Монголынхоо нийт ард иргэдэд  XVII жарны Тийн ялгуусан хэмээх усан Могой жилийн хаврын тэргүүн сар шинийн мэндийг уламжлан торгон үгээр ерөөл өргөж, тостой сэтгэлээр хөөрөг зөрүүлж, өтгөс буурлуудаа хүндлэн дээдэлж, ураг төрлөөрөө мэндлэн золгож сар шинэдээ сайхан шинэлэхийг хүсэн ерөөе. 

Сар шинийн босгон дээр Сонгинхайрхан дүүргийн Засаг даргын тамгын газрын хамт олон цус бэлэглэж буян үйлдэв. Монгол улсын Ерөнхийлөгчийн ивээл дор зохион байгуулагдаж байгаа “Амьдрал бэлэглэе” аянд тус дүүргийн Тамгын газрын ажилтан албан хаагчид идэвхтэй оролцлоо.

Эдгээрийн дотор 1985 оноос нийтдээ 30 гаруй литр цусаа бэлэглэсэн тус дүүргийн 31 дүгээр хорооны Улаан загалмайн “Хүндэт донор” М.Түвшинцэнгэл оролцсон юм. Цус сэлбэлт, судлалын үндэсний төвөөс зохион байгуулж байгаа “Цусаа бэлэглэгч донор бүр баатрууд уриатай” энэхүү аян сар шинийн баярын өдрүүдэд хэрэглэх цусны нөөц бүрдүүлэх зорилготой ажээ. Тус дүүргийн Засаг дарга М.Чинболд бусад дүүргийн Засаг даргын тамгын газрынхныг энэ аянд идэвхтэй оролцохыг уриаллаа.

Сонгинохайрхан дүүргийн Нэг цэгийн үйлчилгээ энэ оны эхний хоёр сарын байдлаар нийт 36759 иргэнд төрийн үйлчилгээг үзүүллээ. Энэ хугацаанд нийгмийн даатгалын мэргэжилтэн 4120, мэргэжлийн хяналтын мэргэжилтэн 573, бүртгэлийн мэдээллийн мэргэжилтнүүд 9328, эд хөрөнгийн эрхийн бүртгэлийн мэргэжилтнүүд 8296, нотариатын үйлчилгээ 3411, кадастрын зураглалын “Хөх саарал” ХХК, “Үүлэн зээрд” ХХК-ийн инженер 1535, “ХААН” банкны теллер 8848, зурагчин 310, бичиг баримт олшруулах үйлчилгээ 335 иргэнд төрийн үйлчилгээг цогц байдлаар хүргэв. Дашрамд дуулгахад, тус дүүргийн Нэг цэгийн үйлчилгээ 

нээгдсэнээс хойш давхардсан тоогоор 2009 онд 17388, 2010 онд 30710, 2011 онд 27255,  2012 онд 90847 иргэн, энэ оны эхний хоёр сард 36759 иргэнд, нийт хугацаанд 202959 иргэн төрийн үйлчилгээг нэг дороос хүртээд байна. 

залт бүрт дүүргийн Засаг дарга М.Чинболд иргэдийн саналаар аливаа асуудлыг шийддэг цаг ирснийг хэлж, асуудал бүрийг шийдвэрлэхэд дэмжин ажиллана гэдгээ илэрхийлж байлаа. 

Сонгинохайрхан дүүргийн Засаг дарга М.Чинболд сар бүрийн эхний долоо хоногийн пүрэв гарагт дүүргийнхээ иргэдийн хүлээн авч уулзан тэдний санал бодлыг сонсдог. Энэ удаагийн 2 дугаар сарын 7-ны өдрийн уулзалтаараа 7 дугаар хорооны иргэн Б.Жамсранжав, 32 дугаар хорооны иргэн Д.Одонтунгалаг, 21 дүгээр хорооны иргэн Ч.Даваацэрэн, 2 дугаар хорооны иргэн Ж.Бүжинлхам, 29 дүгээр хорооны иргэн М.Жамбаа нарыг хүлээн авлаа.

Эдгээр иргэд Хилчин хотхоныг камержуулах, хөгжлийн бэрхшээлтэй иргэдийн байгуулсан төрийн бус байгууллагыг дэмжин ажиллах уриалга гаргах, 3-61-ийн гарам хүртэлх нийтийн тээврийн асуудлыг шийдэх, хогны машинтай болох, гэр олгох, дэд бүтцэд холбогдох, ахмадын сувилалтай болгох, модны үржүүлэгийн газар байгуулах, спорт биеийн тамирын талбай байгуулахад хөрөнгө оруулалтын асуудлыг шийдэж өгөх зэрэг олон санал хүсэлтийг тавилаа. Үүний хариуд дүүргийн Засаг дарга М.Чинболд эдгээр санал хүсэлтийг ажил хэрэг болгох талаар анхаарч ажиллана гэдгээ тэдэнд хэлж, холбогдох албаны хүмүүст үүрэг өгсөн байна.