СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
СОНГИНОХАЙРХАН ДҮҮРЭГ
ЗАСАГ ДАРГЫН ТАМГЫН ГАЗАР
“Иргэдийн оролцоотой-Амьдрах орчныг сайжруулах жил” –ийн хүрээнд Нийслэлийн Засаг даргын 2018 оны А/01 дүгээр захирамж, Улаанбаатар хотын Ерөнхий менежерийн 2018 оны А/44 тоот тушаалаар “Манай хороо-Миний гудамж” аяныг Нийслэлийн 9 дүүрэг 03 дугаар сарын 01-нээс 10 дугаар сарын 01-ний хооронд зохион байгуулж байгаа.
Үүний хүрээнд Сонгинохайрхан дүүргийн хэмжээнд Засаг даргын А/125 тоот захирамжаар аян зохион байгуулах дэд ажлын хэсэг байгуулагдаж, 32 хороонд тохижилт, бүтээн байгуулалтын ажил хийж байна.
Хороодын хэрэгжүүлж буй ажлаас дурдвал 13-р хорооны баруун талд иргэдийн оролцоотой 1.20 м өндөртэй 115м урт төмөр хашлага татаж, 24ш гацуур, 700ш шар хуайс тарьж, 200м2 талбайд зүлэгжүүлэлт хийн, бичил цэцэрлэгт хүрээлэн байгуулсан байна. Цаашид 14ш хогийн сав, 14ш сандал байрлуулахаар төлөвлөн ажиллаж байна.
24-р хорооны тухайд орон нутгийн хөгжлийн сангийн хөрөнгөөр Сонгинохайрхан дүүргийн 24 дүгээр хорооны зээлийн 23-р гудамжинд байрлах хүүхдийн тоглоомын талбайн засварыг “Аргалант арвис групп” ХХК-иар гүйцэтгүүллээ.
Мөн хороод нийтийн эзэмшлийн гудамж, зам талбайд сандал, хогийн савыг ихээр байршуулан ажиллаж байна.
Байгаль орчин аялал жуулчлалын яам, Japan fund for poverty reduction, Нийслэлийн Засаг даргын Тамгын газар хамтран “Гэр хорооллын ариун цэврийн байгууламжийг сайжруулах замаар хөрсний бохирдлыг бууруулах” төслийн танилцуулгыг дүүргийн 6, 7 дугаар хороодын иргэдэд өглөө. Хөрсний бохирдлыг судлахын тулд 6-р хорооны 13 өрх, 7-р хорооны 27 өрхөөс дээжлэлт болон асуумж судалгаа авсан байна. Хөрсний бактерийн гаралтай бохирдлын судалгаагаар 92 хувь нь их, 5 хувь нь дунд, 3 хувь нь бага бохирдолтой гэж гарсан байна. Тиймээс Байгаль орчин аялал жуулчлалын яам, Газар зохион байгуулалт усны нэгдсэн бодлого зохицуулалтын газар хамтран хэрэгжүүлж байгаа уг төслийн хүрээнд гэр хорооллын хөрсний бохирдол буурч, эрүүл мэндийн нөхцөл байдал сайжрах боломж бүрдэх юм.
32-р хорооны иргэддээ ажил авснаасаа хойш хийсэн ажлаа тайлагнаж, ирэх жилүүдэд хийх төлөвлөгөөгөө танилцууллаа.
Иргэдийн зүгээс нийтийн тээврийн чиглэл нэмэх, маршрутад нь өөрчлөлт оруулах, карерийн замаас үүдэлтэй тоосжилтыг багасгах зэрэг асуудлуудыг тавьж байна. Эдгээр асуудлыг холбогдох газрууд болон албан тушаалтнуудтай нь зөвшилцөж, шийдвэрлэхээр боллоо.
“Манай хороо-Миний гудамж” аяны хүрээнд хороодод үйл ажиллагаа явуулдаг аж ахуйн нэгж байгууллагууд идэвхтэй оролцож, гадна тохижилтын ажлаа сайжруулж байна.
Тодруулбал 7-р хорооны нутагт үйл ажиллагаа явуулдаг “Хан хөхий” ХХК-ийн хамт олон гадна фасад, хаягаа шинэчилж, гадна болон дотор талынхаа камерийн тоог нэмэгдүүлж, 360 градус эргэж, 1км хүртэл зайд харах боломжтой камер суулгажээ.
“Манай хороо - Миний гудам” аяны хүрээнд 6-р хорооны хамт олон орцнуудын өнгө үзэмжийг сэргээн засварлаж байна. Тодруулбал хорооны үүд болон ханын материалын комбинатын 61, 62, 63-р байрнуудын орцыг засварлан тохижилтын ажил хийсэн байна.
Улаанбаатар хотын Захирагчийн ажлын албаны санхүүжилтээр хөрсний бохирдлын ариутгалын ажлыг 7 дугаар хорооноос эхлүүлэхээр боллоо. Уг ажлыг зохион байгуулах ажлын хэсэг хуралдаж, хамтран ажиллах төлөвлөгөө хуваариа гаргасан байна.
Туркийн Улаан хавирган сар нийгэмлэгээс Сонгинохайрхан дүүргийн 5-р хорооны амжиргааны баталгаажих түвшнээс доогуур буюу зорилтот бүлгийн 115 айл өрхөд хүнсний тусламж үзүүллээ.
Тус нийгэмлэг энэ жилийн хүмүүнлэгийн үйл ажиллагааны хүрээнд Сонгинохайрхан дүүргээс гадна Чингэлтэй, Налайх дүүргүүд мөн зарим асрамжийн газруудад хүнсний тусламжийн бүтээгдэхүүн тараахаар төлөвлөжээ.
Мөн Туркийн Рамадан сарыг тохиолдуулан жил бүр Монгол Улсад хүмүүнлэгийн тусламж үзүүлдэг бөгөөд энэ жилийн хувьд 1000 гаруй өрхөд хүнсний туслалцаа үзүүлэх юм байна.
Засаг даргын Тамгын газраас “Өгөөмөр өдөр” өдөрлөгийг 2018 оны 06 дугаар сарын 09-ний бямба гарагт 11.00-17.00 цагийн хооронд зохион байгуулах гэж байна.
Уг өдөрлөгийн хүрээнд дүүргийн нутаг дэвсгэрийн байгууллага, аж ахуйн нэгж, иргэн бүр оролцох боломжтой бөгөөд хүүхдийн тоглоом, сувинер, ном сэтгүүл, гоёл чимэглэл зэрэг бүхий л бараа бүтээгдэхүүнийг солилцох, худалдах, үнэгүй өгөх, асрамжийн төвүүдэд хандивлах боломжтой юм.
“Нэг ертөнц” төрийн бус байгууллагаас санаачлан “Нэг найз нэг бэлэг” аяныг зохион байгууллаа. Аянд УИХ-ын гишүүн Х.Нямбаатар, дүүргийн ИТХ-ын ажлын алба, Засаг даргын Тамгын газар, ИТХ-ын төлөөлөгчид, иргэний танхимын ажилчид, 4, 5, 6, 16-р хороны Засаг дарга нар, “Эко” авто засварын газар, НАМЗХ зэрэг байгууллагууд оролцож 500 гаруй бэлэг цуглуулж дүүргийн зорилтот бүлгийн болон хөгжлийн бэрхшээлтэй хүүхдийг баярлууллаа.
Дүүргийн Засаг дарга Ж.Сандагсүрэн 5 дугаар хорооны ээжүүдэд Ачлалт ээж, Дархан бэрийн өргөмжлөл гардууллаа.
Гурван хүү төрүүлж өсгөсөн ээжүүдэд Дархан бэр өргөмжлөл, үр хүүхдээ эх орондоо хэрэгтэй сайн хүн болгож өсгөсөн ээжүүдийг Ачлалт ээжээр өргөмжилдөг уламжлалтай билээ.
