1.“Ахмадын орон сууц” хөтөлбөрт хамрагдах иргэдийг сонгон шалгаруулах комиссыг нэгдүгээр хавсралтаар, “Сонгон шалгаруулах журам”-ыг хоёрдугаар хавсралтаар, “Ахмадын орон сууцыг тусгай нөхцөлтэйгээр түрээслүүлэх гэрээний үлгэрчилсэн загвар”, Батлан даалтын болон Даатгалын гэрээний үлгэрчилсэн загварыг гуравдугаар хавсралтаар тус тус баталсугай.
2.Гэр хорооллын дахин төлөвлөлтийн төсөл хэрэгжүүлэгчээр шалгарсан “Бүрд констракшн” ХХК, “Асар өргөө”, “Буурал сутай” ХХК, “Моннис” ХХК, “Гангар инвест” ХХК, “Баганат өргөө” ХХК, “Хера холдинг” ХХК, “Гранд лайн” ХХК-тай тус бүр 300 айлын Ахмадын орон сууц барих асуудлаар хэлцэл хийж тухай бүр нийслэлийн Удирдлагын зөвлөлийн хуралд танилцуулсны үндсэн дээр гэрээ байгуулж ажиллахыг Тамгын газар /Ё.Гэрэлчулуун/-т үүрэг болгосугай.
3.Орон сууцны 7 дугаар хорооллын хэсэгчилсэн ерөнхий төлөвлөгөөний дагуу Орон сууц санхүүжилтийн корпорацийн барих орон сууцны хороололд 300 айлын Ахмадын орон сууцны захиалга өгч холбогдох дүрэм, журмын дагуу гэрээ байгуулж ажиллахыг Тамгын газар /Ё.Гэрэлчулуун/-т үүрэг болгосугай.
4.Сүхбаатар дүүргийн 9 дүгээр хороо, орон сууцны 7 дугаар хорооллын хэсэгчилсэн ерөнхий төлөвлөгөөний дагуу Ногоон нуур орчимд 360 айлын Ахмадын орон сууцны архитектур төлөвлөлтийн зураг төслийг хянан батлахыг нийслэлийн Ерөнхий төлөвлөгөөний газар /Н.Нацагдорж/-т, гүйцэтгэгчийг холбогдох хууль журмын дагуу сонгон шалгаруулах ажлыг зохион байгуулахыг Тамгын газар /Ё.Гэрэлчулуун/-т даалгасугай.
5.Сүхбаатар дүүргийн 11 дүгээр хороо, 7 дугаар хороололд нийслэлийн төсвийн хөрөнгө оруулалтаар баригдсан 300 айлын Ахмадын орон сууцны цогцолбор барилгын ашиглалт, үйлчилгээг хариуцан ажиллах чиг үүрэг бүхий “Ахмадын хотхон-1” нийслэлийн өмчит үйлдвэрийн газар байгуулах асуудлыг Нийслэлийн Иргэдийн Төлөөлөгчдийн Хуралд өргөн барьж шийдвэрлүүлэхийг Тамгын газар /Ё.Гэрэлчулуун/-т даалгасугай.
6.Ахмадын орон сууцны элэгдлийн санг холбогдох хууль тогтоомжийн дагуу тогтоож, мөрдүүлэхийг нийслэлийн Өмчийн харилцааны газар /Ш.Төмөрбаатар/, хуримтлагдсан элэгдлийн сангийн хөрөнгийг “Улаанбаатар орон сууцны сан”-д тухай бүр төвлөрүүлэхийг Ахмадын хотхоны захиргаанд тус тус үүрэг болгосугай.
НИЙСЛЭЛИЙН ЗАСАГ ДАРГА
БӨГӨӨД УЛААНБААТАР
ХОТЫН ЗАХИРАГЧ Э.БАТ-ҮҮЛ
“АХМАДЫН ОРОН СУУЦ” хөтөлбөрт хамрагдах хүсэлтэй иргэдийн бүрдүүлэх материал
Хөтөлбөрт хамрагдах иргэдэд тавигдах шалгуур:
“Ахмадын орон сууц” хөтөлбөрт хамрагдах иргэд дараах шалгууруудыг хангасан байна. Үүнд:
• Улсаас орон сууц авч байгаагүй
• Улаанбаатар хотын харъяат ба сүүлийн 5 жил нийслэлд амьдарсан эсэх
• Өрхийн орлого нь ашиглалтын болон түрээсийн зардлаа төлөх чадвартай байх
• Нийтийн эзэмшлийн эд хөрөнгийн бүрэн бүтэн байдал, элэгдлийн санг тооцон 3 сарын түрээсийн болон ашиглалтын зардалтай тэнцэхүйц хэмжээний барьцааг төлөх чадвартай байх
• Өндөр насны тэтгэвэр тогтоолгосон 60 ба түүнээс дээш насны эрэгтэй, 55 ба түүнээс дээш насны эмэгтэй МУ-ын иргэн байх
• Тэтгэвэр эсхүл халамжийн тэтгэмжээс өөр орлогогүй байх ба өөрийн өмчлөлийн газар, гэр, байшин болон автомашингүй байх
• Байгалийн гамшиг, үер ус, гал түймрийн гэнэтийн аюулд өртөж амь нас эрүүл мэндээр хохирсон, орон гэргүй болсон гачигдалтай иргэд
Бүрдүүлэх материал:
1. Иргэний өргөдөл хүсэлт (Улаанбаатар хотын Захирагчийн ажлын албанд хандаж гаргах)
2. Иргэний үнэмлэхний хуулбар (Түрээслэгч болон хамтран түрээслэгчийнх хоёулаа)
3. Оршин суугаа хорооны тодорхойлолт (Ам бүл, тухайн хороонд хэдэн жил амьдарч байгааг заавал дурдсан байх /Түрээслэгч болон хамтран түрээслэгч хоёулаа/)-Оршин суугаа хорооноосоо авна
4. Хэрэглээний зардлыг төлөх чадвартайг нотлох баримт (Тэтгэвэр, халамжийн дэвтрийн хуулбар, хамтран түрээслэгчийн цалингийн тодорхойлолт)
5. Маягт АОС (Цээж зураг 1 хувь /Түрээслэгч, хамтран түрээслэгч/)-Иргэд хүлээн авах төвөөс авна
6. Гарын үсгийн баталгаа (Түрээсийн төлбөрийг төлнө гэдгийг нотолж, нотариатаар батлуулах)
Лавлагаа:
7. Гэрлэсэн болон гэрлээгүйг нотлох баримт (Гэр бүлийн бүртгэлийн лавлагаа болон гэрлэлтийн гэрчилгээний хуулбар)-Улсын Бүртгэлийн Ерөнхий Газар, киоск машинаас авна
8. Эд хөрөнгийн бүртгэлийн лавлагаа (Түрээслэгч болон хамтран түрээслэгч, нас барсан нөхөр /эхнэр/)-УБЕГ болон харъяа дүүргийн Улсын Бүртгэлийн хэлтсээс авна
9. Нөхөр /эхнэр/ нас барсныг нотлох баримт (Нас барсныг бүртгэсэн архивын лавлагаа, эсхүл нас барсны гэрчилгээний хуулбар)-УБЕГ-аас авна
10. Гэр бүл цуцлуусныг нотлох баримт (Гэр бүл цуцлалтын бүртгэлин лавлагаа, эсхүл шүүхийн шийдвэрийн хуулбар)-Улсын Бүртгэлийн Ерөнхий Газар, киоск машинаас авна
11. Орон сууцны архивын лавлагаа (Улсаас өмнө нь орон сууц авч байсан эсэхийг тодорохойлсон лавлагаа)-Нийслэлийн Архивын газар
12. Халамжийн нөхцөл байдлын үнэлгээ (Улсын халамжинд хамрагдаж байсан эсэхийг тодорхойлсон лавлагаа)-Харъяа дүүргийнхээ Хөдөлмөр, халамжийн үйлчилгээний хэлтсээс авна.