Монгол Улсын Ерөнхийлөгчийн зарлигаар жил бүрийн 5,10 дугаар сарын хоёр дахь долоо хоногийн "Бямба" гарагийг бүх нийтээр мод тарих үндэсний өдөр болгон зарласан билээ. Энэ сарын 10-ны өдөр энэхүү мод тарих үндэсний өдөр тохиолоо. Сонгинохайрхан дүүргийн ЗДТГ-аас энэ өдрийг “Ногоон дүүрэг” аяны хүрээнд зохион байгуулж өнгөрөөлөө.
Тус аяны хүрээнд ЗДТГ-ын Дэд бүтэц тохижилтын хэлтсээс “Чинагийн Галсан” сан, Герман улсын мэргэжилтнүүдтэй хамтран 5 дугаар сарын 02-05-ны өдрүүдэд 25 дугаар хорооны засмал замын дагуу байршсан айл өрхүүдийн хашаанд 2500 ширхэг мод бут сөөгийг тарилаа. Мөн 28 дугаар хороо, 7 дугаар хороодын Засаг дарга нар болон байгууллагуудтай хамтран айл өрхүүддээ тус бүр 2500 ширхэг мод бут сөөгийг тариулаа.
Энэ удаагийн мод тарих өдрийн хүрээнд дүүргийн хэмжээнд нийт 17908 ширхэг мод бут сөөг тарьсан юм.
Үүнээс:
- 690 айлын хашаанд 5579 ширхэг мод 6000 бут сөөг
- Сууц өмчлөгчдийн холбоодын эзэмшилд 1000 ширхэг мод
- Сургууль цэцэрлэгийн орчимд 1200 ширхэг мод
- Эмнэлэгийн байгууллагуудын орчимд 2500 ширхэг мод 800 ширхэг сөөг
- ААНБ –ын орчинд 1250 ширхэг мод 1000 ширхэг сөөг
- Нийтийн эзэмшилд 500 ширхэг мод тус тус тарьсан дүнтэй байна.
Тус үйл ажиллагаанд дүүргийн Засаг даргын тамгын газрын Нийгмийн хөгжлийн хэлтэс, Аж ахуйн тасаг, Өмч, газрын харилцааны алба, Хөдөлмөрийн хэлтсийн албан хаагчид бусдаа манлайлан идэвхтэй оролцлоо.