Улсын хэмжээнд тарваган тахлын эсрэг дархлаажуулалтыг долдугаар сарын 18-наас 28-ны хооронд зохион байгуулахаар болсныг Эрүүл мэнд, спортын яамнаас мэдээллээ. Тарваган тахал өвчин нь нянгаар үүсдэг байгалийн голомтот, цочмог халдварт өвчин юм. Манай орны 17 аймаг, 137 суманд энэ өвчин гарах эрсдэлтэй. Дархлаажуулалтад тарваган тахлын голомтот нутгийн хүн ам, малчид, зорчигчид, эрүүл мэндийн байгууллага, онцгой байдал, мэргэжлийн хяналт, хууль сахиулах байгууллагын ажилтнууд хамрагдах шаардлагатай аж. Дархлаажуулалтыг 6 наснаас дээш насныханд тарих заалттай бөгөөд харьяа эрүүл мэндийн байгууллагуудад хандах юм байна.