Сонгинохайрхан Дүүргийн Соёлын Ордон уран бүтээлчид, дугуйлангийн сурагчид их тайзнаа тоглож, номын сан, ардын ёс заншлын танхимын үйл ажиллагааг сурталчлах, танилцуулах үзүүлэн гарган оролцлоо. Жанжин Д.Сүхбаатарын талбайд гурван өдөр үргэлжилсэн энэхүү арга хэмжээ нь “Илүү их уншъя” уриан дор зохион байгуулагдсан бөгөөд баярын үеэр ном, соёлтой холбоотой олон талт үйл арга хэмжээ олны хүртээл болж, хүүхэд багачуудад зориулсан сонирхолтой арга хэмжээнүүд тус тус зохион байгуулагдсан юм. Энэ удаагийн номын баярт 400 гаруй байгууллага, хувь хүн хамрагдаж өргөн цар хүрээтэй арга хэмжээ болж өнгөрлөө.