Нийслэл хотод тэр дундаа Сонгинохайрхан дүүрэгт сүрьеэ өвчлөл буурахгүй байгаатай холбогдуулан 1, 2, 7, 10, 11, 22, 31 дүгээр хороодын Засаг дарга, нийгмийн ажилтан, хэсгийн ахлагч нарыг хамруулсан уулзалт, сургалт 6 дугаар сарын 9-ний өдөр дүүргийн Иргэний танхимд боллоо. Сургалтад Монголын сүрьеэтэй тэмцэх нийгэмлэгийн ажилтнууд, дүүргийн Засаг даргын тамгын газрын нийгмийн хөгжлийн хэлтсийн мэргэжилтнүүд, хороодын албан хаагчид зэрэг нийт 110 хүн оролцож хамтран ажиллах чиглэлээ тодорхойллоо.