Сонгинохайрхан дүүргийн Засаг даргын нэрэмжит ахмад настны спортын наадам амжилттай зохион байгуулагдлаа. Софт волейбол, шатар, дартс зэрэг 5 төрлөөр зохиогдсон спорт наадам дүүргийн спорт цогцолборт болсон юм.
Тус тэмцээнд 32 хорооны төлөөлөл болох 450 гаруй ахмад тамирчид өрсөлдлөө. Тэдний дунд спортын мастер, сонирхогчийн тэмцээний аварга, энгийн спорт сонирхогч зэрэг олон тамирчид байсан юм. Тэмцээнийг жил бүр уламжлал болгон зохион байгуулах болсонд ахмадууд баяртай байна.