Олон улсын хүүхдийн эрхийг хамгаалах өдрийг тохиолдуулан 31 дүгээр хорооны хамт олон эх үрсийн баярын арга хэмжээг зохион байгууллаа. Уг арга хэмжээнд 800 гаруй хүүхэд багачууд хүрэлцэн ирсэн бөгөөд хамтран оролцсон УИХ-ын гүшүүн Ц.Гарамжав, НИТХ-ын тэргүүлэгч С.Мөнхчулуун нар оролцож бяцхан хүүхдүүдэд баярын мэндчилгээ хүргэсэн юм.
Хорооны Дархан бэр, шилдэг сурагчдыг тодруулан өргөмжлөл, дурсгалын зүйл гардуулан хүүхдүүдийн дунд “Аха” танин мэдэхүйн тэмцээн, Гар зургийн уралдаан, гүйлтийн тэмцээнийг зохион байгуулж аваргуудаа тодрууллаа. Арга хэмжээнд Дэлхийн Зөн Монгол Олон Улсын Байгууллага, хорооны нутаг дэвсгэрт үйл ажиллагаа явуулж байгаа "Ялалт мандах" ХХК, "Ууган сайхан" ХХК, "Алтайн булаг" ХХК-иуд хамтран оролцлоо.
