Албан бус-насан туршийн  боловсролын төвийн дүрэм , бүтэц  орон тоо, ажлын байрны тодорхойлолт  батлах тухай

2014 оны 04 сарын 24 өдөр                       Дугаар А/133

Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 29 дүгээр зүйлийн 29.2 дахь хэсэг, 29.1.5 дахь заалт, Боловсролын тухай хуулийн 39 дүгээр зүйлийн 39.6 дахь хэсэг, Боловсрол Шинжлэх ухааны сайдын 2012 оны А/178 тоот тушаалыг тус тус үндэслэн ЗАХИРАМЖЛАХ нь:

1. Дүүргийн Албан бус-Насан туршийн боловсролын төвийн дүрмийг нэгдүгээр, бүтэц орон тоог хоёрдугаар, захирлын ажлын байрны тодорхойлолтыг гуравдугаар хавсралтаар тус тус  баталсугай.

2. Төвийн үйл ажиллагаа, дүрмийн хэрэгжилтэд хяналт тавьж ажиллахыг Засаг даргын Тамгын газрын Нийгмийн хөгжлийн хэлтэс /Б.Оюунбилэг/-т үүрэг болгосугай.

ЗАСАГ ДАРГА                                 М.ЧИНБОЛД

Сонгинохайрхан дүүргийн Засаг даргын

  __ оны___р сарын _____-ны өдрийн

__ захирамжийн нэгдүгээр хавсралт

НИЙСЛЭЛИЙН СОНГИНОХАЙРХАН ДҮҮРГИЙН

“АЛБАН БУС-НАСАН ТУРШИЙН БОЛОВСРОЛ”-ЫН

ТӨВИЙН ДҮРЭМ

Нэг. Нийтлэг үндэслэл

1. Энэхүү дүрмээр Нийслэлийн Сонгинохайрхан дүүргийн Албан бус-Насан туршийн боловсролын төв (цаашид “төв” гэх) –ийн үйл ажиллагааг зохицуулна.
2. Дүүрэгт бие даасан төв ажиллана.
3. Төв нь орон нутаг дахь Албан бус-Насан туршийн боловсролын хөтөлбөр боловсруулж сургалт явуулах, судалгаа хийх, төрийн болон төрийн бус байгууллага,  дотоод гадаадын төсөл, хөтөлбөрүүдийн үйл ажиллагааг насан туршийн боловсролын хүрээнд зохицуулах, иргэдэд боловсролын үйлчилгээ тасралтгүй үзүүлэх зорилготой боловсролын сургалтын байгууллага мөн.
4. Төв нь үйл ажиллагаандаа Монгол Улсын холбогдох хууль тогтоомж болон энэхүү  дүрмийг мөрдлөг болгоно.
5. Төв нь байгууллагын тэмдэг, албан бичгийн хэвлэмэл хуудас хэрэглэн банкинд харилцах данстай байна.

Хоёр. Төвийн удирдлага, зохион байгуулалт

2.1  Төвийг тухайн дүүргийн Засаг даргын захирамжаар байгуулж, орон нутгийн хүн амын тоо, үйл ажиллагааны цар хүрээнээс хамааран бүтэц, орон  тооны хязгаарыг тогтооно.

2.2 Төв нь 5000 хүртэлх хүн ам тутамд салбар нэгжтэй байж болно.

2.3 Төв нь захирал, сургалтын менежер, нийгмийн ажилтан, багш,  үйлчилгээний ажилтны орон тоотой байна. Захирлыг дүүргийн Засаг дарга холбогдох хууль тогтоомжид заасны дагуу томилж, чөлөөлөх ба бусад ажилтныг төвийн захирал томилж, чөлөөлнө.

2.4 Захирлын дэргэд удирдлагын зөвлөл ажиллана. Зөвлөлийн үйл ажиллагааг байгууллагын дотоод журмаар зохицуулна.

2.5 Төвийн захирлын ажлын байрны тодорхойлолтыг дүүргийн Засаг дарга, бусад ажилтны ажлын байрны тодорхойлолтыг төвийн захирал тус тус баталгаажуулна.

2.6 Төвийн дэргэд орон тооны бус мэргэжлийн баг, сонирхлын бүлгэм ажиллаж болно.

2.7 Төвийн үйл ажиллагаа нээлттэй, хүртээмжтэй, тасралтгүй байна.

Гурав. Төвийн эрх, үүрэг

3.1 Төв нь дараах эрхтэй.

3.1.1 Насан туршийн боловсролын тогтолцоо бүрдүүлэх, хөгжүүлэх чиглэлээр баримтлах бодлого, шийдвэрийн төслийг боловсруулах, хэрэгжүүлэх ажлыг дүүргийн хэмжээнд зохион байгуулах

3.1.2 Тухайн орон нутгийн төрийн болон төрийн бус байгууллагуудын материаллаг бааз, боловсон хүчний нөөцийг түшиглэж, иргэдэд насан туршийн боловсрол олгох хүрээнд хамтран ажиллах

3.1.3 Орон нутгийн хүн амын боловсролын түвшинг судалж, санал, дүгнэлт боловсруулан орон нутгийн засаг захиргааны байгууллагаас шийдвэр гаргуулах, хэрэгжүүлэх

3.1.4 Үйл ажиллагааны хүрээнд дотоодын болон олон улсын байгууллага, иргэдтэй хамтран хөтөлбөр, төсөл хэрэгжүүлэх, бусад байгууллагын насан туршийн боловсролын чиглэлийн захиалгат ажил гүйцэтгэх

3.1.5 Хөтөлбөр, төсөл хэрэгжүүлэх, сургалт, судалгаа явуулах замаар санхүүгийн зохих нөөц бүрдүүлж, холбогдох хууль, журмын дагуу зарцуулах

3.2 Төв нь дараах үүрэгтэй.

3.2.1. Иргэдийн хүрээнд үндэслэн гэр бүл, иргэн, ёс суртахуун-төлөвшил, гоо зүй-мэдрэмж, амьдрах ухааны болон дүйцсэн хөтөлбөрийн  сургалт, нөлөөллийн арга хэмжээг тухайн орон нутагт тасралтгүй зохион байгуулах

3.2.2 Төвийн боловсон хүчний мэдлэг ур чадвар, мэргэжлийг дээшлүүлэх, ажлын  байрны нөхцөл, хөдөлмөр хамгааллыг сайжруулах, нийгмийн асуудлыг шийдвэрлэх арга хэмжээ авч, тогтвортой, бүтээлч хамт олныг бүрдүүлэх

3.2.3 Орон нутгийн холбогдох байгууллагууд, иргэдээс Албан бус-Насан туршийн боловсролтой мэдээ, судалгаа авч мэдээллийн сан бүрдүүлэн, Албан бус-Насан туршийн боловсролын үндэсний төвийн мэдээллийн санд нэгтгэх

3.2.4 Сургалтын хэрэглэгдэхүүн, сургалтын нэмэлт, туслах материал, гарын авлагыг сайжруулах, салбар нэгжүүдэд түгээх

3.2.5 Хэвлэл мэдээллийн хэрэгслээр дамжуулан Албан бус-Насан туршийн боловсролын үйлчилгээ, үйл ажиллагааг олон нийтэд сурталчлан таниулах

3.2.6 Үйл ажиллагааны тайланг тогтоосон хугацаанд Албан бус-Насан туршийн боловсролын үндэсний төв, нийслэл, дүүргийн Боловсролын газарт хүргүүлэх

Дөрөв. Төвийн санхүүжилт

4.1 Төвийн санхүүжилт нь дараах эх үүсвэрээс  бүрдэнэ.

• Улсын төвлөрсөн төсөв
• Орон нутгийн төсөв
• Төсөл, хандив, тусламж
• Бусад эх үүсвэр

4.2 Төвийн хөрөнгө, санхүүгийн эх үүсвэрийг дүрэмд зааснаас өөрөөр зарцуулахыг хориглоно.

Сонгинохайрхан дүүргийн Засаг даргын

   ____ оны____р сарын _____-ны өдрийн

____захирамжийн хоёрдугаар хавсралт

ДҮҮРГИЙН АЛБАН БУС-НАСАН ТУРШИЙН БОЛОВСРОЛЫН ТӨВИЙН

БҮТЭЦ, ОРОН ТОО

Сонгинохайрхан дүүргийн Засаг даргын

   ____ оны____р сарын _____-ны өдрийн

_____захирамжийн гуравдугаар хавсралт

АЛБАН БУС НАСАН ТУРШИЙН БОЛОВСРОЛЫН ТӨВИЙН

ЗАХИРЛЫН АЖЛЫН БАЙРНЫ ТОДОРХОЙЛОЛТ

А.ТАНИЛЦУУЛГА

Б.ЧИГ ҮҮРЭГ:

Г.ХҮЧИН ЗҮЙЛС

Д. БАТАЛГААЖУУЛАЛТ